PRESENTACIÓN E OUTRAS COUSIÑAS

 PREPARAD@S?

O próximo día 28 de outubro celebraremos a primeira reunión dos noso Club Letraferit.

Nela presentarémonos e proporemos a lectura para o próximo mes.

Como avance do noso itinerario lector para este ano, aquí vos deixamos algo de información: 

Este curso o noso eixo condutor será "Libros que falan de libros". Tedes nun dos expositores da biblioteca unha selección de títulos sobre esta temática: os libros, a lectura, as librarías, as bibliotecas... Coma estes e outros que vos iremos presentando:

 

 

              

    

Entre estes títulos e moitos outros iremos escollendo as nosas lecturas deste curso. Pero coma sempre, e para non saturarnos co mesmo tema, intercalaremos outras propostas, para ir coñecendo tamén algunhas novidades editoriais, ou obras de autores da zona, e tamén outros que nos poidan visitar.

Aproveitamos para lembrarvos tamén que desde esta semana a biblioteca estará aberta para os préstamos que precisedes. E sempre tedes tamén á vosa disposición a biblioteca virtual Bega-Elbe 2. Se non tedes as credenciais, ou se as esquecestes, pasade pola biblioteca para que vos asignemos outras.

IMOS ALÓ!

 

IMOS ALÓ!

    Gústache ler? 

    Gústache falar, comentar as túas lecturas, escoitar os comentarios doutras persoas, e recomendar ou suxerir libros ou cómics a outros? 

    Gústache ver e comentar películas ou obras de teatro relacionadas coas túas lecturas? 

    Gústache coñecer autores e autoras, que nos visiten e falen con nós ou que nos acompañen en rutas literarias? 

Gústache relacionarte con rapaces e rapazas doutros cursos, ou con profesores e profesoras e outras persoas adultas, falando e comentando de igual a igual?

Entón a biblioteca e os seus clubs de lectura estante agardando!

•  Podes participar no Club de Lectura Letraferit, que a partir deste curso coordina Jose, o profe de música. Deste club poden formar parte todas as persoas -alumnado, profesorado, persoal non docente- que o desexen.

Reunímonos na Biblioteca un luns ao mes, a partir de outubro, entre as 15:30 e as 16:30, para comentar as nosas lecturas, propoñer outras, e ás  veces tamén para outras actividades.

Para inscribirte ou para máis información, podes falar cos profesores Jose, Rocío ou Ana de inglés.

• Tamén podes participar no Club Akira, de manga, que se reúne nos recreos segundo as convocatorias que vos vaia facendo o profesor Jose, que ´´é o seu coordinador. 

Podes inscribirte na Biblioteca, usando as follas de inscrición que atoparás alí.

ANÍMATE!