Ao fío da última proposta de lectura complementaria vén estoutra de Héctor Carré:
Febre (2011) é unha historia ambientada entre 1942 e 1944 en Noia, onde bole un intenso comercio legal e ilegal arredor da mina de wolfram de San Fins (Lousame). A historia está protagonizada por Carmucha, unha rapaza de 17 anos que decide enfrontarse á súa maneira coa situación represiva da posguerra.
Aínda que o nazismo en Galicia non é o eixo central desta novela, si que está moi presente a recreación do papel que xogou Galicia como subministradora de wolfram para os dous bandos en conflito durante a Segunda Guerra Mundial.
A novela obtivo o Premio Xerais de Literaturatura xuvenil do 2011.
Neste enlace ao blog do autor podedes atopar as súas valoracións sobre a obra.
Nestoutro enlace tedes un artigo moi interesante sobre a historia da mina de San Fins.
Este creo que se me pasou porque non me acordo de telo lido no seu momento. Téñoo que ler porque a temática promete e o autor, coma sempre, segurísima estou de que non defrandará.
ResponderEliminarGrazas pola recomendación