Coa visita de Xosé Mª Lema rematan as actividades do Club por este ano

O pasado luns 16 de xuño visitounos Xosé Mª Lema, autor de Costa do Solpor, a nosa lectura do 3º trimestre. No noso encontro houbo tempo para coñecer os antecedentes da obra e o seu proceso de elaboración e tamén para dar
as nosas opinións sobre os personaxes e a trama da obra.
O autor tivo, ademais, a amabilidade de incluír no seu blog (costadosolpor.blogspot.com.es) as opinións dadas por algún dos membros do noso Club. Deixamos aquí fotos desta estupenda reunión coa que rematamos as actividades por este curso.

Nova reunión do Club de Lectura o 5 de maio

Xa en pleno 3º trimestre do curso, reunímos para valorar as lecturas feitas nos últimos meses polos membros do Club: os 2 libros de Fernando Cimadevila e de Dolores Redondo e todos os membros do Club subscribimos o mesmo: ¡queremos as terceiras partes xa! No caso dos títulos de Fernando Cimadevila, a maioría valorou moito na continuación que se nos achegasen novos datos da vida e da personalidade dos personaxes principais e, no caso dos libros de Dolores Redondo, valorouse especialmente a profundización no drama familiar da inspectora protagonista. Para rematar a actividade do Club por este curso, decidímonos pola lectura da novela do noso veciño de Vimianzo Xosé Mª Lema: Costa do solpor, novela finalista dos Premios Xerais 2011. Este autor, ademais, reunirase co Club o vindeiro 16 de xuño para falarmos da súa obra e finalizar con este encontro a actividade do Club por este curso.

Imaxe da presentación de
Costa do solpor en Vimianzo, coa presenza do Alcalde.

Nova reunión do Club de Lectura o 10 de marzo

Nesta nova reunión valoramos as nosas lecturas deste trimestre.

Polo que respecta ao libro de Dolores Redondo, O gardián invisible, todos os que o lemos encontrámolo extraordinario e decidimos seguir co 2º volume da triloxía, Legado nos ósos.

  Polo que respecta ao libro de Fernando Cimadevila, O mundo secreto de Basilus Hofman: O ladrón de soños, tamén foi valorado como unha achega orixinalísima a literatura fantástica en galego. Continuaremos tamén co 2º volume, Un faro na escuridade.






Deixamos aquí algunhas fotos da reunión dese día no que tamén valoramos algunhas das propostas individuais de lectura feitas polos mebros do noso Club: Eva Olveira falounos da triloxía de Los juegos del hambre de Suzanne Collins.

Alba Méndez presentounos outra triloxía, esta de Kerstin Gier: Rubí, Zafiro e Esmeralda.

E Alberto Angües recomendounos un libro: Cielo rojo, de David Lozano Garbala .

Novo ano e novas lecturas para o Club Letraferit

O 27 de xaneiro reunímonos de novo na Biblioteca coa intención de dar por finalizada a nosa lectura do 1º trimestre e decidir cal/es habían ser as lecturas para o 2º trimestre. Os membros do Club valoraron moi positivamente a lectura do 1º trimestre, aínda considerando moitos deles que había unha certa desigualdade entre os tres volumes da triloxía (máis fantasía nos dous últimos, excesivo xa o terceiro...).
Para o 2º trimestre, a coordinadora do Club presentou unha serie de propostas de lectura, tanto en galego como en castelán, para sometelos á valoración dos seus membros, explicándolles brevemente de que ía cada proposta. Os membros do Club optaron por seguir dúas vías de lectura, aproveitando que o 2º trimestre é o máis longo deste curso:  os membros máis novos do Club (alumnado da ESO) optou pola lectura de "O mundo secreto de Basilius Hoffman. I. O ladrón de soños", de Fernando Cimadevila.

Os membros máis "vellos" do Club (alumnado de postobrigatoria e profesorado) optaron por comezar coa "Triloxía do val de Baztán" de Dolores Redondo, comezando por "O gardian invisible".

 

A próxima reunión do Club para facer a 1ª valoración destas lecturas será o luns 10 de marzo.

Primeira reunión de valoración de Memorias de Idhun

O 25 de novembro tivemos a 1ª reunión oficial do Club para valorar a nosa 1ª lectura do curso, Memorias de Idhún, de Laura Gallego. A maioría dos membros lera só o 1º volume da triloxía e valorábao moi positivamente, outros xa leran tamén o 2º e gustáralles máis có primeiro. Acordamos naquela reunión ler a triloxía completa e volvemos reunir en xaneiro para a valoración final e para acordar as novas propostas de lectura. Tamén aproveitamos para visionar a páxina web da autora e comprobar a existencia de versión en cómic dos dous primeiros volumes e que decidimos mercar.

Letraferit Soneira 2013-2014

INICIAMOS NOVA ANDAINA!!

O Club de Lectura Letraferit do IES Terra de Soneira de Vimianzo inicia una nova andaina neste 2º ano de existencia. Novos membros e novos libros. Neste curso, moderados pola profesora Teresa Araújo participan no Club 12 alumnos (Eva Olveira (1º da ESO), Marina García, Nuria Agra, Gala Cernadas e Nerea Rial (2º da ESO), Natalia Lema, Salomé González, Laura Roget e Alberto Angües (3º da ESO), Hellen Cristina (1º BACH), Alba Méndez (2º BACH) e Alexandre Pazos (2º CMXA)), 6 profesores (Carmen Sanjurjo, Chus Barbeira, Anxo Brea, Isabel Regueiro, Rocío Romero e a coordinadora) e 1 membro do persoal non docente (María Bargo).

O día 21 de outubro tivemos a 1ª reunión para coñecérmonos e nela acordamos comezar neste 1º trimestre do curso coa triloxía de Laura Gallego Memorias de Idhún. Empezamos co 1º volume da triloxía: 'La resistencia' e reunímonos o 25 de novembro para facer a 1ª posta en común.

NOVAS PROPOSTAS PARA O CLUB DE LECTURA. CARA O FUTURO

Aquí tedes as novas propostas para o club de lectura. A nosa idea é complementar as lecturas con una sesión cinematográfica ad hoc. Puxémoslle como título, Cara o futuro, porque o nexo de unión entre as lecturas e as películas é a ciencia ficción.

Espero que vos resulte interesante.

 2044

. 

Ano 2044. Achégase o aniversario de Lena. Cal será a sorpresa preparada para os amigos e as amigas polo seu pai? Cada ano sorpréndeos dun xeito diferente. Pero o que vai pasar este ano ninguén podía imaxinalo… de feito, incluso pode ser que todos perdan a vida. 2044 é unha novela futurista que nos mergulla nun universo de realidade virtual no que, para sobrevivir, os protagonistas van ter que descifrar o estraño significado dunhas pistas e enigmas baseados en números enigmáticos. Unha novela de intriga nun universo probable que pode chegar a ser tremendo. Os protagonistas non saben onde remata a realidade e comeza o universo virtual… Ti verás que tampouco.

Valdamor Unha novela que se desenvolve nun mundo futuro, hipotético pero xa posible, no que a ciencia venceu á morte. Os privilexiados habitantes da Zona A teñen dereito á inmortalidade, pero estalles prohibido ter fillos. Un importante político está no cárcere por ter desobedecido esa norma fundamental. Alí vaino visitar Adela, unha psicóloga penitenciaria encargada de estudar as razóns desa conduta.

 

 

 Fonte: www.editorialgalaxia.es

 

 

GATTACA

TÍTULO ORIGINAL Gattaca AÑO 1997 DURACIÓN 106 min. PAÍS DIRECTOR Andrew Niccol GUIÓN Andrew Niccol MÚSICA Michael Nyman FOTOGRAFÍA Slawomir Idziak REPARTO Ethan Hawke, Uma Thurman, Jude Law, Loren Dean PRODUCTORA Jersey Films / Columbia Pictures PREMIOS 1997: Nominada al Oscar: Mejor dirección artística 1997: Nominada al Globo de Oro: Mejor banda sonora original 1997: Festival de Sitges: Mejor película, mejor banda sonora GÉNERO Ciencia ficción. Intriga | Película de culto SINOPSIS Ambientada en una sociedad futura, en la que la mayor parte de los niños son concebidos in vitro y con técnicas de selección genética. Vincent (Ethan Hawke), uno de los últimos niños concebidos de modo natural, nace con una deficiencia cardíaca y no le auguran más de treinta años de vida. Se le considera un inválido y, como tal, está condenado a realizar los trabajos más desagradables. Su hermano Anton, en cambio, ha recibido una espléndida herencia genética que le garantiza múltiples oportunidades. Desde niño, Vincent sueña con viajar al espacio, pero sabe muy bien que nunca será seleccionado. Durante años ejerce toda clase de trabajos hasta que un día conoce a un hombre que le proporciona la clave para formar parte de la élite: suplantar a Jerome (Jude Law), un deportista que se quedó paralítico por culpa de un accidente. De este modo, Vincent ingresa en la Corporación Gattaca, una industria aeroespacial, que lo selecciona para realizar una misión en Titán. Todo irá bien, gracias a la ayuda de Jerome, hasta que el director del proyecto es asesinado y la consiguiente investigación pone en peligro los planes de Vincent. (FILMAFFINITY)