5ª reunión do curso (19 de febreiro de 2018)

Despois da paréntese do Entroido, reunímonos na Bilioteca no noso horario habitual cun dobre obxectivo: o reparto das propostas de lectura para o 2º cuadrimestre seleccionadas polos membros do Club na anterior reunión e o visionado de fragmentos da serie televisiva 'The handmaid's tale", cuxa 1ª temporada (emitida no ano 2017) está baseada na novela do mesmo título.

Detémonos especialmente no vídeo: https://www.youtube.com/watch?v=WkCu6-YPnS0 ("The handmaid's tale: framing strong woman") onde se analiza detalladamente como se fixo a adaptación dun texto literario a imaxes.

O traballo con este vídeo permitiunos pechar dunha maneira diferente a nosa valoración deste texto literario, que deixa impactos profundos tanto entre o profesorado como entre o alumnado, malia tratarse dun libro de lectura difícil posto que remove os sentimentos de quen o le.

A última reunión deste trimestre terá lugar o día 19 de marzo e nela, tal e como fixemos na reunión previa ás vacacións de Nadal, procuraremos levar as nosas propostas lectoras para este período vacacional.